തന്തൈചരിതം

ഞാന്‍ 2013 ജൂലൈയില്‍ എഴുതിയ ഈ കഥ അതേവര്‍ഷം ചന്ദ്രിക, ബാങ്ക്മെന്‍സ് ക്ലബ് എന്നിവര്‍ നടത്തിയ രണ്ടു കഥാരചനാമത്സരങ്ങളില്‍ ഒന്നാംസ്ഥാനം നേടുകയുണ്ടായി.

മുന്നറിയിപ്പ് : ഈ കഥ മനപ്പൂര്‍വം കടുകട്ടിയാക്കിയാണ് എഴുതിയിട്ടുള്ളത്. ഒന്നാമത്തെ കാരണം, ഈ വിഷയത്തിന് അതാണ് കൂടുതല്‍ ഭംഗി എന്ന് തോന്നി. രണ്ട്, ഇത് വായിച്ചുതീര്‍ക്കാന്‍ കഴിവുള്ളവരും ഇത് വായിച്ചാല്‍ ചൊടിക്കുന്നവരും mutually exclusive ആയതുകൊണ്ട് 😉

ഉസ്താദ് സെന്റ് പുണ്യാളച്ചന്‍ ശ്രീമാന്‍ ങ്ങളരര് ഭാസ്കരരാനന്ദ സ്വാമി തമ്പുരാന്‍ അവര്‍കളായ തങ്ങള്‍ സാഹിബ് ഗുരുക്കള്‍ എന്ന, ലോകമൊട്ടുക്കും വരുന്ന ഭക്തകോടികളുടെ പ്രിയ തന്തൈസ്വാമികള്‍ കാലം ചെയ്തിരിക്കുന്നു. ഈ ഭയങ്കര വാര്‍ത്ത നാടിനെ വിറപ്പിച്ചതുമൂലം വീടുകളുടെ ചുമരുകളില്‍ വിള്ളല്‍ വീണതായും നാലഞ്ചു പശുക്കള്‍ വിറളി പൂണ്ടതായും റിപ്പോര്‍ട്ടുകളുണ്ട്. വിവരമറിഞ്ഞ ഉടന്‍ തിരുവനന്തപുരത്തെ നിയമസഭാമന്ദിരം പൂര്‍ണമായിത്തന്നെ ആശ്രമത്തിന്റെ ദിക്കിലേക്ക് ശീഘ്രം തിരിച്ചതായി ദൃക്സാക്ഷികള്‍ പറഞ്ഞു. സ്വാമികളുടെ പ്രിയശിഷ്യന്‍ ഇന്നു വൈകീട്ട് രചിച്ചുതുടങ്ങാനിരിക്കുന്ന ‘തന്തൈമാഹാത്മ്യം’ രണ്ടു വാല്യങ്ങളായി പുറത്തിറങ്ങുന്നതാണെന്നും ഇപ്പോള്‍തന്നെ ഓര്‍ഡര്‍ ചെയ്യുന്നവര്‍ക്ക് മാര്‍ക്കറ്റ് വിലയില്‍ മുപ്പതുശതമാനം കിഴിവുലഭിക്കുന്നതാണെന്നും പ്രസാധകര്‍ പത്രക്കുറിപ്പില്‍ അറിയിച്ചു. ജീവനുതുല്യം സ്നേഹിച്ച് ആരാധിച്ച പ്രിയ സ്വാമികളുടെ നിര്യാണത്തില്‍ മനംനൊന്ത് ആത്മഹത്യ ചെയ്യേണ്ടവരുടെ എണ്ണം തിട്ടപ്പെടുത്താനായി ഭക്തപ്രധാനികളുടെ യോഗം ആശ്രമസന്നിധിയില്‍ അടിയന്തിരമായി ചേരുന്നതാണ്.

തന്തൈ ആശ്രമസ്ഥാപകനും മഹാദീര്‍ഘദര്‍ശിയുമായ ശ്രീമാന്‍ വല്യതന്തൈയുടെ നിര്യാണത്തിനുശേഷം അനാഥരായ ആശ്രമഭണ്ഡാരത്തിന്റെയും ഭണ്ഡാരമൂര്‍ത്തിയെ രാവും പകലും പൂജിക്കുന്ന അടിയുറച്ച ഭക്തരുടെയും രക്ഷക്കാണ് ഉസ്താദ് സെന്റ് പുണ്യാളച്ചന്‍ ശ്രീമാന്‍ ങ്ങളരര് ഭാസ്കരരാനന്ദ സ്വാമി തമ്പുരാന്‍ അവര്‍കളായ തങ്ങള്‍ സാഹിബ് ഗുരുക്കള്‍ (ശ്വാസം വിടുന്നു) എന്ന ചെറിയതന്തൈസ്വാമികള്‍ അവതരിച്ചത്. വല്യതന്തൈസ്വാമികളുടെ അതീന്ദ്രീയജ്ഞാനത്തിന്റെ വ്യക്തമായ ദൃഷ്ടാന്തമായ തന്റെ അനന്തരതന്തൈയെ കണ്ടെത്തല്‍ ഇപ്രകാരമായിരുന്നു:
സമാധിയോടടുക്കുന്നെന്ന ദിവ്യബോധനം ലഭിച്ചതിന്റെ പിറ്റേന്ന് വെളുപ്പിന് മൂന്നാം നാഴികക്ക് കൂര്‍ക്കംവലിച്ചുറങ്ങുന്ന സഹചരരെ തൊഴിച്ചും ഇക്കിളിപ്പെടുത്തിയും ഉണര്‍ത്തി വല്യതന്തൈ ആശ്രമക്കുളക്കരയിലേക്ക് പുറപ്പെട്ടു. രാത്രിയിലെ ചീട്ടുകളിഭജനത്തിനു ശേഷം വൈകിക്കിടന്ന തങ്ങളെ പൂവന്‍കോഴിപോലും തൊള്ളതുറന്നു കൂര്‍ക്കം വലിക്കുമ്പോള്‍ വിളിച്ചെണീപ്പിച്ചതില്‍ മുറുമുറുത്തുകൊണ്ട് കുളക്കരയില്‍ ചടഞ്ഞുനിന്ന സഹചരരെ സാക്ഷിയാക്കി വല്യതന്തൈ കുളത്തിലിറങ്ങി. കഴുത്തറ്റം വെള്ളത്തില്‍ മുങ്ങി കൈകള്‍ തലക്കുമുകളില്‍ തൊഴുതുപിടിച്ച് ഒറ്റക്കാലില്‍ നിന്ന് (വെള്ളത്തിനടിയിലായതിനാല്‍ അതു കാണുക സാധ്യമല്ലായിരുന്നു) കണ്ണുകളടച്ച് ഉദ്ദേശ്യം അഞ്ചരമിനിറ്റു ധ്യാനിച്ച ശേഷം സകല ഗഗന ഭൂതല പാതാള ജീവജാലങ്ങളോടുമായി വിളിച്ചുപറഞ്ഞു:
“ക്വേ!”
ആ മഹത്തായ ഉദ്ഘോഷണം കേട്ട് സര്‍വസ്വവും പ്രകമ്പനം കൊണ്ടു. ഐശ്വര്യദേവത നേരിട്ടുവന്ന് ഭൂമി പ്രകാശിതമാക്കി. (നേരം പുലര്‍ന്നു എന്നുപറഞ്ഞ് വെറുതെ ഗുരുകോപം ചോദിച്ചുവാങ്ങരുത്!) അനുചരര്‍ ഭക്തപരവശരായി ആനന്ദപുളകിതരായി നൃത്തം ചവിട്ടി. നിന്ന നില്‍പ്പില്‍ പിറകോട്ടു മലര്‍ന്നുവീണ് വല്യതന്തൈകള്‍ സമാധിപൂണ്ടു. അതോടെ സമാധാനംപൂണ്ട ആശ്രമം ട്രഷറര്‍ ഭക്തനിധിയില്‍ നിന്ന് ചോര്‍ത്തേണ്ട സംഖ്യ പ്രാര്‍ത്ഥനയോടുകൂടി കണക്കുകൂട്ടി.

സമാധിയുടെ മൂന്നാംപക്കം തന്തൈഭക്തപ്രധാനികള്‍ ഇളയതന്തൈകളെ പിടികൂടാനായി ഇറങ്ങിത്തിരിച്ചു. മൂന്നുലോകങ്ങളിലെയും ജ്ഞാനസത്ത ഉള്‍ക്കൊണ്ട “ക്വേ!” എന്ന മഹാപദത്തിന്റെ അണുവിട പിഴയ്ക്കാത്ത മാര്‍ഗദര്‍ശനത്തെ വെറുതെ പിന്തുടരുകയേ അവര്‍ക്ക് ചെയ്യേണ്ടിയിരുന്നുള്ളൂ. ഒരു വടക്കുനോക്കിയന്ത്രത്തെപ്പോലെ നയിച്ച ആ മഹാപദത്തെ പിന്‍പറ്റി തെക്കോട്ടും വടക്കോട്ടും നടന്നും മാവിന്മേല്‍ കയറി നീറിന്റെ കടികൊണ്ടും തെങ്ങിന്‍ചോട്ടിലെ ചാണകം മാറ്റിനോക്കിയതിന് പാളത്തൊപ്പിയിട്ട കൃഷിക്കാരന്റെ മണ്ണുചുവക്കുന്ന ചീത്തവിളികേട്ടും മുന്നോട്ടുനീങ്ങിയ മഹത്തായ ആ അന്വേഷണത്തിനൊടുവില്‍ ഇന്ന താലൂക്കിലെ ഇന്ന ഗ്രാമത്തിലെ ഇന്ന പേരയ്ക്കാമരം ചാരി ബീഡി പുകച്ചുകൊണ്ടിരുന്ന ആ മഹാപ്രഭാവനെ അവര്‍ കണ്ടെത്തി. ആദ്യനോട്ടത്തില്‍ തന്നെ സംശയത്തിന് തെല്ലിടപോലും നല്‍കാത്തതായിരുന്നു ആ വിശുദ്ധമുഖത്തെ ഉജ്ജ്വലതേജസ്സും “ക്വേ” എന്ന മഹാപദവും തമ്മിലുള്ള അനുരണനം. ആനന്ദക്കണ്ണീരോടെ, കൂപ്പുകൈകളോടെ ഭക്തപ്രധാനികള്‍ ഒന്നടങ്കം തങ്ങളുടെ പുതുതന്തൈകള്‍ക്കുമുന്നില്‍ സാഷ്ടാംഗം പ്രണമിച്ചു. ഇത്രയധികം ഭക്തപുറങ്ങള്‍ ഒന്നിച്ചുകണ്ട ഇളയതന്തൈകള്‍ (അന്ന് കുന്നുമ്മല്‍ ഭാസ്കരനാണ്) അന്ധാളിച്ചുപോയി.

കിഴവനും കുടവയറനുമായിരുന്ന വല്യതന്തൈക്കുപകരം നീട്ടിവളര്‍ത്തിയ ചുരുളന്‍മുടിയും കൂളിംഗ് ഗ്ലാസും ഇടത്തെചെവിയില്‍ കടുക്കനുമായി ഇളയതന്തൈ അവതരിച്ചതോടെ സ്ത്രീഭക്തരുടെ എണ്ണത്തില്‍ ക്രമാതീതമായ വളര്‍ച്ചയുണ്ടായി. ഇതില്‍ ഭര്‍ത്താക്കന്മാര്‍ക്കുണ്ടായ കണ്ണുകടി പുരുഷഭക്തരുടെ എണ്ണം കുറയുന്നതില്‍ പ്രകടമായി. തങ്ങളുടെ കാന്തന്മാരെക്കാള്‍ എന്തുകൊണ്ടും യോഗ്യനാണ് ശ്രീമദ് ഇളയതന്തൈ എന്ന് ഉച്ചോച്ചം പ്രഖ്യാപിച്ച ധീരവനിതകളെ കെട്ടിയവന്മാര്‍ ആട്ടിപ്പുറത്താക്കി വാതിലടച്ചപ്പോള്‍ കരുണാമയനായ ഇളയതന്തൈകള്‍ അവര്‍ക്കായി അദ്ദേഹത്തിന്റെ സ്വന്തം സംരക്ഷണയില്‍ കൂടാരമൊരുക്കി. (ഇവിടെ ‘സ്വന്ത’ത്തിലെ ‘ന്ത’ക്ക് നീളം അല്‍പം കൂടുതലാണ്) ഇളയതന്തൈകള്‍ക്ക് പിന്തുണ പ്രഖ്യാപിച്ച് തങ്ങളെ ഒറ്റത്തടിയാക്കി യാത്രയായ ഭാര്യമാരുടെ രൂപലാവണ്യവും സ്വഭാവമഹിമയും വര്‍ണിച്ച് മറ്റുചില രമണഭര്‍ത്താക്കന്മാര്‍ മഹാകാവ്യങ്ങള്‍ രചിക്കുകയും രണ്ടാഴ്ചമുമ്പുവരെ കറമ്പീ എന്നും പെഴച്ചോളേ എന്നും പുലയാട്ടുനടത്തിയത് നന്ദിപൂര്‍വം വിസ്മരിക്കുകയും ചെയ്തു. ഇവയിലേതിന് പുരസ്കാരം നല്‍കണമെന്നതിനെച്ചൊല്ലി ധര്‍മ്മസങ്കടത്തിലായി കേന്ദ്ര-കേരള സാഹിത്യ അക്കാദമികള്‍. അങ്ങനെ മലയാള സാഹിത്യത്തിന് അസുലഭമായ അതുല്യകൃതികള്‍ സമ്മാനിച്ച ഇളയതന്തൈകളുടെ നാമം (ലേശം വലുതായതിനാല്‍ വീണ്ടും പരാമര്‍ശിക്കുന്നില്ല. ആവശ്യമുള്ളവര്‍ കഥയുടെ ആദ്യഭാഗം കാണുവാന്‍ താല്‍പര്യപ്പെടുന്നു) കേരളചരിത്രത്തിലെ സാമാന്യം വലിയ ഒരേടായി മാറി.

ആയിടക്കാണ് പരിശുദ്ധനും സര്‍വസംഗപരിത്യാഗിയുമായ ശ്രീമദ് തന്തൈകളെ മന:പൂര്‍വം താറടിച്ചുകാണിക്കാനായി ചില തല്‍പരകക്ഷികള്‍ കുപ്രചരണവുമായി രംഗത്തുവന്നത്. പെണ്ണുകേസിലെ കോടതിവിധിയും കഞ്ചാവുകേസുമായി ബന്ധപ്പെട്ട് ടൗണ്‍ പോലീസ് പുറത്തിറക്കിയ പിടികിട്ടാപ്പുള്ളികളുടെ പട്ടികയുംപോലുള്ള ഞാഞ്ഞൂല്‍ രേഖകള്‍ മാത്രം കൈമുതലാക്കി, കുന്നുമ്മല്‍ ഭാസ്കരന്‍ തന്തൈകളായി പരിണമിക്കുംമുമ്പുള്ള വിശുദ്ധചരിത്രം അശുദ്ധമായി ചിത്രീകരിക്കാനുള്ള കുത്സിതശ്രമം ജാഗരൂകരായ തന്തൈഭക്തര്‍ ഉടന്‍ തിരിച്ചറിഞ്ഞു. തികച്ചും വ്യാജമെന്ന് പകല്‍പോലെ തെളിഞ്ഞ ഈ വര്‍ത്തമാനം പ്രചരിപ്പിച്ച പത്രപ്രവര്‍ത്തകന്‍ തന്തൈ ആശ്രമനിവാസികളുടെ വെല്ലുവിളി സ്വീകരിച്ച് ആശ്രമസന്നിധിയിലെത്തുകയും തന്തൈസ്വാമികളുടെ സ്നേഹപൂര്‍ണമായ ശാസനക്കുപാത്രമായി ആശ്രമത്തില്‍ നിന്ന് മടങ്ങുകയും ചെയ്തങ്കിലും പിറ്റേന്ന് കായല്‍ക്കരയില്‍ തച്ച്കൊല്ലപ്പെട്ട നിലയില്‍ കാണപ്പെടുകയായിരുന്നു. സമൂഹത്തിനുതന്നെ അപമാനമായ ചില കൃമികീടങ്ങള്‍ ഈ കൊടുംചെയ്തിയില്‍ ശ്രീമദ് തന്തൈക്കും ആശ്രമത്തിനും പങ്കുണ്ടെന്ന വ്യാജാരോപണം കെട്ടിച്ചമക്കാന്‍ ശ്രമിച്ചു പരാജയപ്പെട്ടു. തന്തൈഭക്തപ്രധാനികള്‍ പ്രസ്തുത പത്രപ്രവര്‍ത്തകന്റെ തന്തക്കുവിളിച്ചിരുന്നെന്നും ആശ്രമത്തില്‍ നിന്ന് ആറേഴുകിലോമീറ്റര്‍ മാത്രം മാറിയാണ് മൃതദേഹം കിടന്നിരുന്നതെന്നുമുള്ള തുലോം ദുര്‍ബലമായ സാഹചര്യത്തെളിവുകള്‍ മാത്രം മുന്‍നിര്‍ത്തി ഈ കൊടുംക്രൂരത എങ്ങനെ സ്നേഹമയനും വിശാലഹൃദയനുമായ തന്തൈകള്‍ക്കെതിരെ ആരോപിക്കും? എന്തൊക്കെ പറഞ്ഞാലും അന്നുവരെ ആഗോളവത്കരണത്തെ തെറിവിളിച്ചും പരിപ്പുവടയുടെയും ചായയുടെയും രുചിവൈഭവത്തെ പ്രകീര്‍ത്തിച്ചും അനുപമമായ ജനസേവനംചെയ്ത ചോപ്പന്മാര്‍ കിട്ടിയ അവസരം മുതലാക്കി മൂട്ടിലെ പൊടിതട്ടിയെണീറ്റ് കൊലയാളിത്തന്തൈക്ക് ഒത്താശചെയ്തുകൊടുക്കുന്ന കള്ളസര്‍ക്കാരിനെതിരെ തീക്ഷ്ണമായ സമരപരമ്പരതന്നെ ആരംഭിച്ചു. എന്നാല്‍, മന്ത്രിസഭ വീണാല്‍ പിടിക്കാനായി താഴെ വലകെട്ടി പകല്‍ക്കിനാവുകള്‍ കണ്ടുനിന്ന ചോപ്പന്മാരെ ഞെട്ടിച്ചുകൊണ്ട്, സാക്ഷാല്‍ കടുംചോപ്പന്റെ അളിയന്റെ ഇളയമകന്‍ ആദികാലത്തെപ്പോഴോ ഒരു ഭക്തപ്രധാനിക്ക് കടപ്പുറത്തുവച്ച് കപ്പലണ്ടി വിറ്റിട്ടുണ്ടെന്ന ഞെട്ടിക്കുന്ന വിവരം അത്യന്തം ആപത്കരവും സാഹസികവുമായ അന്വേഷണത്തിലൂടെ ഒരു പ്രമുഖ മലയാള ദിനപത്രം പുറത്തുകൊണ്ടുവന്നതോടെ ചോപ്പന്‍മാര്‍ പ്രതിരോധത്തിലായി. അതുവരെ മന്ത്രിസഭയെ ലക്ഷ്യമാക്കി പാഞ്ഞടുത്തുകൊണ്ടിരുന്ന ജനക്കൂട്ടം പീഛേ മുഡ് ചെയ്ത് തങ്ങളുടെ രക്തത്തിനായി മുറവിളികൂട്ടിത്തുടങ്ങിയതോടെ വിരണ്ടുപോയ ചോപ്പന്മാര്‍ തന്തൈആശ്രമത്തിനും മന്ത്രിസഭക്കും പച്ചക്കൊടി കാട്ടി. ഇത് രാഷ്ട്രീയ പകര്‍പ്പവകാശനിയമത്തിന്റെ പട്ടാപ്പകല്‍ ലംഘനമാണെന്ന് വായില്‍ പച്ചക്കരണ്ടിയുമായി ജനിച്ച പാര്‍ട്ടിക്കാര്‍ ആക്രോശിച്ചെങ്കിലും ആരാലും ശ്രദ്ധിക്കപ്പെടാതെ പോയി.

തുടര്‍ന്ന് സംജാതമായ തിരഞ്ഞെടുപ്പ് മാമാങ്കത്തില്‍ ഇടതുകാല്‍മന്തനോ വലതുകാല്‍മന്തനോ കുത്തേണ്ടതെന്നറിയാതെ ബഹുകാല്‍മന്തരായ ജനം വിഷമിച്ചു. ആരുടെ മന്തുകാലിന് കനം തൂങ്ങും എന്നതിനെച്ചൊല്ലി കോലാടിനെ അനുസ്മരിപ്പിക്കുന്ന താടിയോടുകൂടിയ ചാനല്‍ ചിന്തകര്‍ മാത്രമല്ല, അണുവിടതെറ്റാത്ത കിറുകൃത്യതകൊണ്ട് കാലാവസ്ഥാപ്രവചകരെപ്പോലും കരയിക്കുന്നജാതി പ്രവചനം നടത്തി ഫലപ്രഖ്യാപനദിവസം പൂടപോലും ബാക്കിയാക്കാതെ മുങ്ങാറുള്ള എക്സിറ്റ് പോളുകാര്‍ പോലും കൈമലര്‍ത്തിയതോടെ വോട്ടിങ്ങ് യന്ത്രങ്ങളടക്കം അങ്കലാപ്പിലായി. തുടര്‍ന്ന്, ജ്യോതിഷം മുതല്‍ ഭൂമിശാസ്ത്രം വഴി ഇന്റഗ്രല്‍ കാല്‍ക്കുലസ് വരെ സൂര്യന് കീഴെയും മുകളിലുമായി പരന്നുകിടക്കുന്ന സകലമാനവിഷയങ്ങളിലെയും അവസാനവാക്കായ തന്തൈസ്വാമികളെത്തന്നെ കൂപ്പുകൈകളോടെ സകലരും സമീപിച്ചപ്പോള്‍ ആ തിരുനാക്കില്‍ നിന്നുമുതിര്‍ന്ന പത്തുമാസം അര്‍ഥഗര്‍ഭമായ തിരുവചനം കേരളരാഷ്ട്രീയചരിത്രത്തിലെ നിസ്തുലമായ ഒരേടായി ഉജ്ജ്വലപ്രഭയോടുകൂടി നിലകൊള്ളുന്നു:
“വ്യാഴം ശുക്രപക്ഷത്തിലാണ്. വല്ലതുമൊക്കെ സംഭവിക്കാം!”
എന്താ, ആ തിരുവചനങ്ങള്‍ പകല്‍പോലെ സത്യമായി പരിണമിച്ചില്ലേ? രണ്ടിലൊരു പാര്‍ട്ടി ജയിച്ചില്ലേ? ഇതോടെ അന്നേവരെ തന്തൈ എന്ന വിശുദ്ധാത്മാവിലെ മഹത്വം കാണാനാകാതെ പരദൂഷണം പറഞ്ഞു നടന്ന പാമരര്‍ തങ്ങളുടെ വിവരദോഷിത്തം മനസ്സിലാക്കി ക്ഷമാപണം നടത്തി ആശ്രമസന്നിധിയിലെത്തി ശയനപ്രദക്ഷിണം വച്ചു.

ശ്രീമദ് തന്തൈകള്‍ മലയാളിസമൂഹത്തിനു മാത്രമല്ല, ലോകത്തിനുതന്നെ നല്‍കിയ നിസ്തുലമായ സംഭാവനകള്‍ എണ്ണിയാലൊടുങ്ങാത്തതാണ്. വീടില്ലാത്ത കുറേ പാവങ്ങള്‍ക്കൊക്കെക്കൂടി എട്ടോ പത്തോ ലക്ഷം രൂപ നല്‍കിയതിനുശേഷം ഒന്നൊന്നരക്കോടി ചെലവാക്കി കേരളത്തിന്റെ ഒരറ്റംതൊട്ട് മറ്റേയറ്റംവരെയുള്ള സകല ഹൈവേകള്‍ക്കുചാരെയും ജാതി, മതം, രാഷ്ട്രീയം ഇല്ലാത്ത ശുദ്ധനായ മനുഷ്യസ്നേഹിയായ ശ്രീമദ് തന്തൈകളെ പ്രകീര്‍ത്തിക്കുന്ന കൂറ്റന്‍ ഫ്ലക്സുകള്‍ കെട്ടിപ്പൊക്കിയത് പബ്ലിസിറ്റിക്കോ പുറംപൂച്ചിനോ വേണ്ടിയല്ലെന്നും ഇത്തരം പുണ്യകരമായ ദാനധര്‍മ്മങ്ങള്‍ ചെയ്യാനുള്ള പ്രചോദനം ആ വഴി കടന്നുപോകുന്നവര്‍ക്കുണ്ടാകട്ടെ എന്ന കറകളഞ്ഞ ഉദ്ദേശ്യശുദ്ധിയോടുകൂടിയാണെന്നും വ്യക്തമല്ലേ? ജനസേവനമെന്ന മഹത്തായ പുണ്യകര്‍മ്മം ചെയ്യണമെന്ന അതിയായ ആഗ്രഹത്തിന് പ്ലസ് ടു സര്‍ട്ടിഫിക്കറ്റ് എന്ന ഒരൊറ്റ കൂടോത്രം മാത്രം വിലങ്ങുതടിയായ പാവപ്പെട്ട ആയിരക്കണക്കിന് വിദ്യാര്‍ഥികളെ മിടുമിടുക്കരായ, വയറിളക്കത്തിന് ഓയിന്‍മെന്റുകൊടുത്തിട്ട് പെരട്ടിക്കോ എന്ന് പറയുന്ന ഡോക്ടര്‍മാരും, രണ്ടും നാലും കൂട്ടാന്‍ സൂപ്പര്‍കമ്പ്യൂട്ടറുകളുടെ സഹായംതേടുന്ന എഞ്ചിനിയര്‍മാരുമാക്കാനായി വെറും എഴുപത്തഞ്ചു ലക്ഷവും ഒരു കോടിയും മറ്റും ഡൊണേഷന്‍ വാങ്ങുന്ന ധര്‍മ്മസ്ഥാപനങ്ങള്‍ നാടിനു സമ്മാനിച്ചില്ലേ തന്തൈസ്വാമികള്‍? സമൂഹത്തിലെ താഴേക്കിടയിലുള്ളവര്‍ക്കായി, സൗകര്യത്തിനുവേണ്ടി ക്യാഷ് കൗണ്ടറും മോര്‍ച്ചറിയും അടുത്തടുത്ത് സ്ഥിതിചെയ്യുന്ന ജനകീയ ആശുപത്രികള്‍ സ്ഥാപിച്ചില്ലേ? അലമുറയിട്ടുകൊണ്ട് തങ്ങളുടെ ജീവിതസംഘര്‍ഷങ്ങള്‍ കാവ്യരൂപത്തിലും അല്ലാതെയും വര്‍ണിക്കാന്‍ തന്റെപക്കല്‍ വന്നെത്തിയവരുടെ കണ്ണുനീരൊപ്പാന്‍ ഫ്രീയായി തൂവാലകള്‍ വിതരണം ചെയ്തില്ലേ?

ഇത്തരത്തില്‍ ഭൂമുഖത്തെ (പ്രത്യേകിച്ചും ആശ്രമത്തിനുള്ളില്‍ വസിച്ച) സര്‍വചരാചരങ്ങള്‍ക്കും സൗഖ്യം ചൊരിയാനും ലോകരുടെ ദു:ഖങ്ങളകറ്റാനുമായി അഹോരാത്രം അവിശ്രമം തന്റെ മഹാമയികശക്തികളുപയോഗിച്ച ശ്രീമദ് തന്തൈസ്വാമികള്‍, തനിക്കിനിയും ഒരു വ്യാഴവട്ടം ആയുര്‍ദൈര്ഖ്യമുണ്ടെന്ന ദിവ്യപ്രവചനം നടത്തിയതിന്റെ കൃത്യം മൂന്നാംനാള്‍ തന്റെതന്നെ ശ്രീതന്തൈവിലാസം ആശുപത്രിയില്‍ വച്ച്, മോര്‍ച്ചറിയില്‍ കിടന്ന ശവങ്ങള്‍ എഴുന്നേറ്റോടുമാറുച്ചത്തില്‍ നിലവിളിച്ചതും അടുത്തുനിന്ന നഴ്സിന്റെ നാഭിക്ക് തൊഴിച്ചതും പോലുള്ള ചുരുക്കം ചില അനിഷ്ടസംഭവങ്ങളൊഴിച്ചാല്‍, തികച്ചും ശാന്തനായി സമാധിയെ എതിരേല്‍ക്കുകയായിരുന്നു. ഇതേത്തുടര്‍ന്ന് ബഹിരാകാശശാസ്ത്രജ്ഞരൊന്നടങ്കം ഏത്തമിട്ടുകൊണ്ട് പുറത്തിറക്കിയ പത്രക്കുറിപ്പില്‍, ഒരു വ്യാഴവട്ടം എന്നാല്‍ മൂന്നുദിവസമാണെന്ന് സംശയരഹിതമായി തെളിഞ്ഞതായും അതുവരേക്കും മറിച്ചു പ്രചരിപ്പിച്ചുപോന്നതില്‍ നിരുപാധികം ക്ഷമചോദിക്കുന്നതായും പ്രസ്താവിച്ചു. ശ്രീമദ് തന്തൈകളുടെ ത്രികാലജ്ഞാനത്തിന്റെ ഒടുവിലത്തെ ഉദാഹരണമായി മാറി ഈ വിപ്ലവകരമായ കണ്ടുപിടിത്തം.

ഉപസംഹരിക്കുംമുമ്പ് കറകളഞ്ഞ വന്‍ഭക്തര്ക്കൊരു സന്തോഷവര്‍ത്തമാനം : തന്തൈസ്വാമികളുടെ സമാധിയെത്തുടര്‍ന്നുള്ള ദു:ഖാചരണംപ്രമാണിച്ച് തന്തൈബ്രാന്‍ഡഡ് മാന്ത്രികോല്‍പന്നങ്ങള്‍ക്ക് വമ്പിച്ച വിലക്കിഴിവ് പ്രഖ്യാപിച്ചിരിക്കുന്നു! കൂടാതെ അച്ഛന്‍ഭക്തര്‍, അമ്മഭക്തര്‍, രണ്ടു കുട്ടിഭക്തര്‍ എന്നിവര്‍ക്കായി നാല് നവരത്നമോതിരങ്ങള്‍ ഒന്നിച്ചുവാങ്ങുന്നവര്‍ക്ക് വീട്ടിലെ പട്ടിഭക്തര്‍ക്കായി ഒരു മാന്ത്രികച്ചങ്ങല സൗജന്യവും! ഈ അസുലഭമുഹൂര്‍ത്തം പാഴാക്കാതെ കടന്നുവന്ന് ശ്രീമദ് തന്തൈസ്വാമികളുടെ സര്‍വവിധ മരണാനന്തര സ്പെഷല്‍ ദീര്‍ഘായു-ശത്രുസംഹാര-സന്താനലബ്ധ-ധനസമ്പാദന അനുഗ്രഹാശിസ്സുകളും സ്വന്തമാക്കൂ! (ഈ ഓഫര്‍ അനുഗ്രഹങ്ങളുടെ സ്റ്റോക്ക് തീരുന്നതുവരെ മാത്രം.)
നിങ്ങള്‍ക്കു മംഗളം!!

Advertisements

A walk back to darkness?

Renowned rationalist and scholar, Prof. MM Kalburgi was shot dead at his home on 30th August 2015. Prof. Kalburgi being a critic of superstitions and right wing politics, it is not hard to add 2+2=4 and see who is behind the murder. This article was originally written in February 2014 for my School Magazine, and its relevance has only increased ever since.

Let me show you two distinct pictures of India, our motherland. On one hand, the number of illiterates takes a great dip every year. More and more young Indians have access to higher education. Now, the second picture shows the increasing number of god­men; black magic rituals which we have never even heard of before, like ones involving drinking the blood of a newborn baby; honour ­killings; revelations of unholy partnerships between religious, industrial and political mafia; and the worst – increasing number of utter idiots to serve and support the aforementioned. One might feel like asking ourselves: are we actually progressing or are we returning to the departed dark ages once again?

It was our so called ‘totally literate’ state of Kerala that a call to reduce the legal marriage age of girls arose a few months back. Even more surprising was the amount of support this call received from some of the religious heads. Our social heroes have struggled a lot to eradicate social evils like child marriage and untouchability, but now it seems like the ‘enlightened’ generation wants them back. I’ve heard from my IITian brother that one of his college­mates always emphasised on the need of having the caste system back. This, people, gives us a hint about what values and ideas our ‘brightest’ minds nurture.

Quite recently, Ilavarasan, a young man from Tamil Nadu was forced to suicide (murdered?) after his marriage with a higher caste girl had led to riots in which three Dalit villages were attacked and more than 260 homes burnt or damaged badly. A number of ‘honour ­killings’ have been occurring across the length and breadth of the country only because two individuals belonging to different caste or religion agreed upon marriage. What’s wrong if two legal age adults want to enter married life? Apparently, it’s a big deal! Dishonour, sacrilege and end of the world! It is also noteworthy that the same section of people who are obsessed about their tradition, caste and religion are in the forefront in manuring social evils like dowry and female infanticide and foeticide. Clearly, what great service they offer to the nation.

Related to this is the murder of Nido Tania, an youth from Arunachal Pradesh in Delhi because he belonged to another ethnic group. Apparently, everyone thinks whatever sects THEY belong to are the best in the universe. THEIR religion, THEIR caste, THEIR ethnicity, THEIR language, THEIR sex and whatnot. Everyone else, everything else, substandard. Nearly seven decades ago, our great former leaders envisaged India as a secular democratic republic where every citizen would be equal and untouchability was prohibited. After all these years, we still have no idea on what principles our nation stands. You and me, be ashamed.

Democracy works in interesting ways in India. Especially outside Kerala, whichever party who gifts the voter more money and goodies (probably liquor) gets the vote. When we hear that our own Kerala government has decided to bring back the once abolished privy purse (payment made to the royal families of erstwhile princely states) under some other name, we might doubt whether we’re still under the rule of some monarch. Yes, we are, and the monarch is named ‘power.’

Another major threat that has been escaping our notice is that fascist political parties organised based on religion and caste has been acquiring strength in the past few months, thanks to the propaganda mission from the media who have been influenced by the same groups. The method is simple – the communal parties offer large business houses freebies and political influence who, in return, offer the parties economic power large enough to buy any media house in the nation. Once the media house has been bribed, they do the rest of the job – creating news, bending and reshaping news, hiding news – anything to make the party or it’s leaders to look good. It might be wise to remember that similar propaganda drives were the major contributing factor behind the rise of Adolf Hitler in Germany in the 1930s.

In short, our nation stands on the verge of a cliff. One little push, and it’s all over. It’s glad to note that people, though lately, have started to realise the need to act – though they are few in number and facing constant threat from the dirty handed. Similar uprisings against the bent socio­political system ought to occur, but more organized and with more participation; and we, the youth, must be the flag bearers. Let us be a generation which use our brain to think, to differentiate between right and wrong, science and superstitions, than just imitating and swallowing what’s been fed to us. Let us be a generation who believes in universal brotherhood. In religious harmony. In truth. Justice. Let us all unite upon the vision of a new dawn.